Pages

Sunday, November 4, 2007

Цапарчани се збратимија со викинзите од Хоксхед

www.dnevnik.com.mk
Број 2141 сабота, 18 март 2006

МАКЕДОНСКО-БРИТАНСКО ПАРТНЕРСТВО

Селото Хоксхед е едно од најживописните села во Велика Британија





Цапарчани се збратимија со викинзите од Хоксхед
Англичаните им препорачаа на жителите на Цапари да преадаптираат дел од селските куќи во мали апартмани и да го развиваат селскиот планински туризам

Пелистерското село Цапари од неодамна се збратими со Хоксхед, едно од најживописните села во Езерската област на Велика Британија, за кое се смета дека постои уште од каменото доба. Во него прв се доселил викингот Хокар, по кого најверојатно го носи и името, а неговите жители и денес ги ословуваат како викинзи. Четиричлена делегација од Хоксхед неодамна го посети Цапари, а наскоро се очекува цапарчани да ги посетат викинзите.

- Нашата првобитна замисла беше да воспоставиме соработка со село од Југоисточна Европа. Добивавме стотици и стотици предлози дневно од земјите од овој дел на континентот. Но, по разгледувањето на сите, се определивме за Цапари. Големи заслуги за тоа има британската конзулка во Битола, Лилјана Спировска, која ни понуди најисцрпни информации за Цапари и цапарчани. Увидовме дека нашиот Хоксхед има многу сличности со Цапари. Целта на проектот не е да се натпреваруваме со Цапари или на нашите пријатели од ова село да им понудиме еднократна помош и тука се да застане. Напротив, нашата главна цел се соработка и партнерство на долги патеки, размена на информации за доброто на двете села. Сите жители на Хоксхед еднодушно и со задоволство го прифатија овој проект, а тој е благословен дури и од нашиот селски свештеник и од ова партнерство многу се очекува - нагласија Англичаните.

Цапарчани се покажаа како извонредни домаќини. Се натпреваруваа кој посрдечно и потопло да ги пречека пријателите од Хоксхед и да им изнесе на трпезата што повеќе и повкусни македонски и цапарски специјалитети. Ја прошетаа делегацијата до селското училиште, цапарскиот манастир, црквата "Св. Ѓорѓи", малиот битолски Монмартр, Широк сокак и до старата битолска чаршија, а потоа и до Охрид и Крушево. За нивното добредојде во училиштето приредија и културно-уметничка програма со игранка, каде што и викинзите не можеа да останат спокојни, а да не заиграат македонско оро.

Цапарчани добија повеќе идеи за развој на селото. На пример, од селската текстилна фабрика да направат туристички центар, да преадаптираат дел од селските куќи во мали апартмани и да го развиваат селскиот планински туризам зашто се лоцирани во живописниот Пелистер.

- Зближувањето на Цапари и Хоксхед ќе доведе до зближување на Битола до некој од британските градови. Ваквите блиски врски ќе придонесат Европејците уште повеќе да не запознаат и да не засакаат - вели конзулката Лилјана Спировска.


Capari na stranicata Krale Marko

http://www.kralemarko.org.mk/default-mk.asp?ItemID=C5010CA85602F842AED623D10DB35B5F

С. Цапари, Пелистер

Во густата борова шума над која се белеат снежните врвови на Пелистер, на само петнаесетина километри од Битола, на патот кон Ресен се црвенеат ќерамидите од село Цапари. Тесниот асфалтиран пат кој води до селото, кое се спријатели со британското село Хоксхет. На самиот влез од селото може да се видат големите, и по сто години стари куќи на цапарчани, кои повеќе личат на староградски палати со големи прозорци и тераси оградени со ковано железо. Речиси сите се изградени од големи камења кои жителите ги ваделе додека ги копале нивите на кои одгледуваат компири. Цапарскиот компир е познат исто како и јаболката од овој крај.

Поголемиот дел од куќите имаат големи дворови, поплочени со камења, со убави средени паркови, богати со цвеќиња и дрвја. Цапарчани, беа домаќини на викинзите од Хоксхет, едно од најпознатите места по селски туризам во Велика Британија. Нивното село било одбрано затоа што имале, сличната местоположба. Надморска височина од околу 900-1.000 м. Имаат околу 500 луѓе, Друга заедничко нешто е тоа што британското село се наоѓа во најголемата езерска област Лејк Дистрикт, додека селото е во близина на Стрежовското Езеро, како и на планинските Пелистерски Очи и Орлови Бари.

Поголемиот број жители на Цапари, зборуваат англиски, затоа што нема фамилија од која барем еден член не е отиден на печалба. На патот кој води до старата мелница, на самиот крај од селото живее Ристо Веловски, еден од најпознатите препаратори на животни во земјава. Во ходникот од неговата куќа тој во застаклена просторија има околу 50-ина препарирани диви животни, меѓу кои мечка, хиена и кобра во борба. Само еден од сувенирите е издвоен на страна, напишано 1972 г, патка, првото животно што го препарал и го чува како многу драг предмет.

Ретко кој од мештаните знае како селото го добило името. Тие велат дека имаат слушнато приказни дека тоа е останато уште од турско. Во минатото во овој крај се чувале многу кози. Во Цапари немало куќа која немела коза. Па од козјото одење 'цап, цап', дошло и името Цапари. Според нив, млекото не се продавало и од него се правело сирење, исклучиво за потебите на семејството.

можност за посета на: contact@kralemarko.org.mk

http://www.kralemarko.org.mk/default-mk.asp?ItemID=C5010CA85602F842AED623D10DB35B5F

Цапари - село со палати стари сто години

www.vest.com.mk
Година: 3 Број:850 Сабота 5/10/2003

ВИКИНЗИТЕ ОД АНГЛИСКИОТ ХОКСХЕТ ЗА ПРИЈАТЕЛСКО ОДБРАА ПЕЛИСТЕРСКО СЕЛО

Цапари - село со палати стари сто години
Во битолското гурбетчиско село Цапари повеќето куќи се големи градби, слични на староградски палати со големи прозорци и прекрасни огради од ковано железо, изградени од големи камења кои цапарчани ги....

Во густата борова шума над која се белеат снежните врвови на Пелистер, на само петнаесетина километри од Битола, на патот кон Ресен се црвенеат ќерамидите од село Цапари. Тесниот асфалтиран пат кој води до селото, кое пред неколку месеци се спријатели со британското село Хоксхет, поминува низ зелените ливади во подножјето на планината Баба.
На самиот влез од селото може да се видат големите, и по сто години стари куќи на цапарчани, кои повеќе личат на староградски палати со големи прозорци и тераси оградени со ковано железо. Речиси сите се изградени од големи камења кои жителите ги ваделе додека ги копале нивите на кои одгледуваат компири. Цапарскиот компир е познат исто како и јаболката од овој крај. Поголемиот дел од куќите имаат големи дворови, поплочени со камења, со убави средени паркови, богати со цвеќиња и дрвја.
"Веќе триесет години живеам сама во куќата. Порано некако крпев крај со крај, но сега станува се потешко. Од врнежите почна да протекува покривот и секојдневно гледам како се уништува мојот дом, во кој израснав и кој е поврзан со голем број историски случувања", вели 77-годишната Љубица Коцевска, која со својата сосетка седеше под една од сенките покрај тесната асфалтирана уличка која поминува до нејзината, сега најголема куќа во селото. "Таа е на мојата фамилија, но речиси сите се отидени на печалба во Америка. Јас останав сама, немам деца, а мажот ми почина уште на 30 години", вели Љубица.
Потсетувајќи се на минатото, Коцевска раскажува дека низ оваа палата, која има 10 соби и голем салон, поминале многу војски. "Германците кај нас имаа штаб, Бугарите направија кујна, додека албанската војска во една од собите неколку дена ги чуваше затворени фатените бугарски војници. Сите тие доаѓаа и си одеа", вели таа. Коцевска додава дека едно време, благодарение на големината, куќата била претворена и во селска гимназија.
Цапарчани кажуваат дека куќата на Коцевски не е единствена во селото со својата големина и убавина, нив ги има многу, само што поголемиот дел веќе се целосно уништени. "Некои од сопствениците заминаа за Америка и Австралија и повеќе не се вратија", кажува Јордан Станиновски, градоначалник на Општина Цапари, кој вели дека последниве неколку години посебно се чувствува замирањето на животот во ова пелистерско место. "Мештаните сега заработуваат од производство на компири и јаболка кои се продаваат на големо, доаѓаат купувачи од Скопје и од Албанија", вели тој, надевајќи се дека можеби ќе дојдат подобри времиња и селото ќе пркне.
Цапарчани, кои на крајот на јануари годинава беа домаќини на викинзите од Хоксхет, едно од најпознатите места по селски туризам во Велика Британија, велат дека нивното село од Британците било одбрано затоа што имале многу слични нешта. "На Англичаните им биле предложени поголем број села од Југоисточна Европа, меѓу кои и Цапари, за склучување на пријателство, но тие го одбрале нашето поради сличната местоположба. Хоксхет се наоѓа на надморска височина од околу 900 метри, а Цапари на околу 1.000 метри", објаснува Станиновски. Тој вели дека англиското село, чии жители се уште се нарекуваат викинзи, има околу 500 луѓе, исто колку што има и Цапари. "Друга заедничко нешто е тоа што британското село се наоѓа во најголемата езерска област Лејк Дистрикт, додека нашето село е во близина на Стрежовското Езеро, како и на планинските Пелистерски Очи и Орлови Бари", додава градоначалникот на оваа општина. Тој вели дека поголемиот број жители на Цапари, без оглед на годините, зборуваат англиски, затоа што нема фамилија од која барем еден член не е отиден на печалба во Австралија или во Америка.
"Доколку успееме да добиеме средства од Европската агенција за реконструкција за изградба на жичарница на северозападниот дел од Пелистер каде што снегот останува дури до јули, тогаш постои можност во Цапари да се развие селскиот туризам", кажува Станиновски.
На патот кој води до старата мелница, на самиот крај од селото живее Ристо Веловски, еден од најпознатите препаратори на животни во земјава. Во ходникот од неговата куќа тој има направено застаклена просторија во која има околу 50-ина препарирани диви животни, меѓу кои една огромна мечка што тој ја уловил пред многу години на Пелистер, и хиена и кобра во борба, за кои вели дека му се подарени од еден пријател. Само еден од сувенирите е издвоен на страна од останатите на посебен сталак во ходникот, на кој со пенкало е напишано 1972 годнина. "Оваа патка е првото животно што го препарирав и го чувам како многу драг предмет", вели тој. Велковски раскажува дека порано многу често одел на лов, но сега тоа го прави поретко. "Доаѓаат луѓе од цела Македонија и ми носат животни за препарирање, а, исто така, правам и крзнени шалови од лисици и други диви животни", додава тој.
Ретко кој од мештаните знае како селото го добило името. Тие велат дека имаат слушнато приказни дека тоа е останато уште од турско. "Во минатото во овој крај се чувале многу кози. Во Цапари немало куќа која немела коза. Па од козјото одење 'цап, цап', дошло и името Цапари", раскажуваат селаните. Според нив, млекото не се продавало и од него се правело сирење, исклучиво за потебите на семејството. "Кога Лазо Колишевски ги прогласи козите за штетни животни, тие беа масовно заклани, а со тоа се загуби и долговековната традиција за козарството во овој крај", кажуваат жителите, кои велат дека сега во селото има само еден човек кој чува околу 70 кози.

Ирена Смиљанска
Фото. Г. Чочков

http://www.vest.com.mk/default.asp?id=60754&idg=3&idb=850&rubrika=Revija

Informacii za selo Capari na Vikipedija

Informacii za selo Capari na Vikipedija.

http://mk.wikipedia.org/wiki/%D0%A6%D0%B0%D0%BF%D0%B0%D1%80%D0%B8

------------------------------------

Цапари

Од Википедија, слободна енциклопедија

Цапари е село во рамките на општина Битола, сместено на падините на Баба планина, поранешно седиште на општина Цапари.

Оваа статија поврзана со Македонија е никулец. Може да помогнете со тоа што ќе ја проширите.

Историja

Цапари се споменува уште од 1622-23 год. Во сите записи се се именува со "Цапари". За потеклото на името Цапари постојат две претпоставки:

1. се претпоставува дека потекнува од апелатив (општа именка) цапар (цап) 'јарец' или 'јарци' - козари, од цапар, формирано од зоонимот (име што го носи некој некој животински вид) цап 'јарец', со суфиксот "-ар" + множина-и = цапари - луѓе што се занимавале со одгледување на јарци - кози - козари.

2. името Цапари може да биде патронимско име настанато од топонимизација на родовско-фамилијарно име Цапари, образувано со множинска наставка -и, а во негова основа е прекарот Цапар, сп. со Дивјаци.

Тоа значи името на с. Цапари доаѓа од личното име Цапар - име на старешина на, односно таткото Цапар, а подоцна го добило значењето "место каде што живеат луѓето кои потекнуваат од Цапар" т.е. каде што живее неговото семејство.

Антропонимот Цапар може да биде образуван од прекарот цап 'јарец' со антропонимиски суфикс –ар - значи козар. Лексемата (зборот) цапар како апелатив повеќе не се употребува, истисната е од лексемата козар.Поимот цап има иранско потекло, а други претпоставуваат дека има албанско потекло. Научникот Петар Скок смета дека апелативот цап е е секако претсловенски балканизам (со употреба на балканот), a ce смета дека е илирско-тракиски лексички реликт се употребува лексемата цап во: романскиот јазик, во албанскиот, унгарскиот, во баварско-австриското говорно подрачје, во старомакедонското лексичко подрачје, кое подоцна било преземено и од словените. Лексемата "цап", заедно со балканизмите: бач, бигор, карпа, урда, чука се вборјува во лексичкиот слој на балканскиот јазичен супстрат.

Население и општи податоци

Цапари е планинско село на надморска височина од 1 010 метри, а од градот Битола е оддалечено 15 километри.

Во селото се наоѓаат повеќе општествено-стопански објекти како: осумгодишното основно училиште, фабрички погон, амбуланта, пошта, дом на културата, продавници и ресторан.

Цапари брои 565 жители од кои: 563 се Македонци, 1 е Влав и 1 е Србин.


http://mk.wikipedia.org/wiki/%D0%A6%D0%B0%D0%BF%D0%B0%D1%80%D0%B8

Friday, November 2, 2007

Capari na Youtube!

PESNA ZA CAPARI - KULTURNI SPOMENICI I OBICAII
Vo ovaj video zapis se soodrzat sliki vo koi mozat da se vidat del od kulturnite spomenici vo Capari kako i nekoi obicaii,kako sto se karnevalot i kolede. No isto taka mozat da se vidat i del od mnogute prirodni ubavini koi mozat da se vidat vo capari, sliki od sekojdnevieto a isto taka i od fudbalskata ekipa FK.PELISTER CAPARI
http://www.youtube.com/watch?v=AVNtW_jl8M4
(Created by Zoran Misevski)

This video clip on youtube contains the song "Ej, Capari" with a picture slideshow of Capari's natural beauty, monuments, Karneval/Babari, Kolede and photographs of past soccer teams. Special thanks to Zoran Misevski for creating this video and uploading it to youtube. :)

Sliki od Capari na Panoramio

Google Earth has expanded to include the website Panoramio, where travelers can upload their favorite pictures and tag them on the exact location on the satellite image. There are a few pictures uploaded on Panoramio of Capari, Pelister and the surrounding villages. Click on the link below to check them out. :)

http://www.panoramio.com/map/#lt=41.041815&ln=21.203785&z=4&k=2&a=1&tab=1

Capari na Google Earth!

When I saw this a while back I got really excited. You can actually zoom in really close. You won't be able to see your baba, but you'll be able to see the roof of her house! :)

Here is the link to the map. Enjoy! :)

http://maps.google.com/maps?f=q&hl=en&q=Capari,+Macedonia&ie=UTF8&ll=41.054987,21.176276&spn=0.014854,0.029182&t=h&z=15&iwloc=addr&om=1

Thursday, November 1, 2007

Dobrodojdovte! Welcome!


I would like to welcome everyone to the Capari blogspot! I will be updating the blog weekly with photographs, videos, articles and posts regarding Capari's history, natural beauty, traditions and way of life. If you'd like to post something, send me your email address and I will add you to the authors list. It is important that we never forget where we came from! I hope that this blog will reconnect the Caparcani around the world and spur an interest in all of us to go back to the beautiful village that we are so proud to have come from. :)